டால்மியா ஆலை நிறுவனத்தின் சார்பில் ரத்த தான முகாம் நடைபெற்றது

விருதுநகர் மாவட்டம், சாத்தூர் அடுத்த முள்ளிச்செவல் கிராமத்தில் உள்ள டால்மியா பாரத் கிரீன் விசன் லிமிடெட் என்னும் சிமெண்ட் அரவை ஆலை நிறுவனத்தின் நிறுவனர் ஜெயதயாள் டால்மியா பிறந்தநாள் முன்னிட்டு பல்வேறு நலத்திட்ட உதவிகள் வழங்கும் நிகழ்ச்சி நடைபெற்றது. முள்ளிச்செவல் ஊராட்சி ஒன்றிய தொடக்கப்பள்ளி மாணவ மாணவியர் 30 பேருக்கு எழுதுபொருட்கள் மற்றும் நோட்டுப் புத்தகங்கள் வழங்கப்பட்டன.அதை தொடர்ந்து டால்மியா நிறுவன அலுவலக ஊழியர்கள் சுமார் 35 நபர்கள் உப்பத்தூர் அரசு மேம்படுத்தப்பட்ட சுகாதார நிலையத்தில் இலவச இரத்த தானம் செய்தனர். மேலும் ஒலி என்ற தொண்டு நிறுவனத்தில் உள்ள முதியோர்களுக்கு உணவு வழங்கப்பட்டது. இந்நிகழ்ச்சியில் டால்மியா நிறுவன பணியாளர்கள் மற்றும் பள்ளி ஆசிரியைகள், மருத்துவர்கள் மற்றும் மாணவர்கள் பங்கேற்றனர்.