பள்ளி சுவரில் இருந்து தவறி விழுந்த சிறுவன் பலி

திருவண்ணாமலை மாவட்டம் போளூர் அருகே வசிக்கும் வாசு தேவன் மகன் சந்தோஷ் (12) கடந்த 2 தினங்களுக்கு முன்பு அரசு தொடக்கப்பள்ளி சுற்று சுவர் மீது ஏறி விளையாடி கொண்டிருந்தான். அப்போது நிலை தடுமாறி விழுந்து விட்டான். இதில் படுகாயமடைந்த சந்தோஷிற்கு சிகிச்சை அளிக்கப்பட்ட நிலையில் சந்தோஷ் திடீரென வாந்தி எடுத்து மயக்க நிலையை அடைந்தான். சந்தோஷை பரிசோதனை செய்த டாக்டர்கள் சந்தோஷ் இறந்து விட்டதாக தெரிவித்தனர். இதுகுறித்து போளூர் காவல் நிலைய போலீசார் விசாரணை நடத்தி வருகின்றனர்.