லாரி மோதி கட்டட மேஸ்திரி பலி

கள்ளக்குறிச்சி ரிஷிவந்தியம் அருகே லாரி மோதி கட்டட மேஸ்திரி இறந்தார். ரிஷிவந்தியம் அடுத்த லா.கூடலுார் கிராமத்தை சேர்ந்தவர் மாரி மகன் ஜெயக் குமார், 26; மேஸ்திரி. இவரும் அதே கிராமத்தை சேர்ந்த ரங்கநாதன் மகன் கார்த்திகேயன் என்பவரும், பஜாஜ் பைக்கில் (டி.என் 25 ஹச் 4047) நேற்று மாலை ரிஷிவந்தியத்தில் இருந்து லா.கூடலுார் நோக்கி சென்றனர். கார்த்திகேயன் பைக்கினை ஓட்டினார். நேற்று மாலை 5:00 மணி யளவில் கொணக்கலவாடி ஏரி அருகே சென்ற போது, எதிரே எம்.சாண்ட் ஏற்றி வந்த லாரி (டி.என் 19 எப் 3573) லாரி, கார்த்திகேயன் ஓட்டி வந்த பைக் மீது மோதியது. பைக்கின் பின்புறமாக அமர்ந்து சென்ற ஜெயக்குமார் படுகாயமடைந்து சம்பவ இடத்திலேயே உயிரிழந்தார். ரிஷிவந்தியம் போலீசார் வழக்குப் பதிந்து விசாரிக்கின்றனர்.