அரவக்குறிச்சியில் காரும்-டூவீலரும் நேருக்கு நேர் மோதி விபத்து. கணவன்- மனைவி படுகாயம்.

காரும்-டூவீலரும் நேருக்கு நேர் மோதி விபத்து. கணவன்- மனைவி படுகாயம்.காவல்துறை வழக்கு பதிவு. கரூர் மாவட்டம், வெண்ணைமலை அருகே உள்ள பசுபதிபாளையம் பகுதியை சேர்ந்தவர் சதீஷ் வயது 26. இவரது மனைவி கௌசல்யா வயது 24. இவர்கள் இருவரும் பிப்ரவரி 25ஆம் தேதி காலை 9 மணி அளவில், கரூர் - கோவை சாலையில் அவர்களது டூவீலரில் சென்று கொண்டு இருந்தனர். இவர்களது டூவீலர் முத்துச்சோளி பாளையம் பகுதியில் உள்ள ஜெயராம் மாடர்ன் மில் அருகே சென்ற போது, எதிர் திசையில் திருச்சி மாவட்டம், அன்பில் தர்மலிங்கம் தெருவை சேர்ந்த அமர் நிஷா வயது 44 என்பவர் ஓட்டி வந்த கார், சதீஷ் ஓட்டிச் சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் வாகனத்துடன் கீழே விழுந்த கணவன்- மனைவி சதீஷ் மற்றும் கௌசல்யா ஆகிய இருவருக்கும் படுகாயம் ஏற்பட்டதால், உடனடியாக அவர்களை மீட்டு தனியார் ஆம்புலன்ஸ் மூலம் கோவையில் உள்ள கங்கா மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக சதீஷ் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக காரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய அமர் நிஷா மீது வழக்கு பதிவு செய்துள்ளனர் க. பரமத்தி காவல்துறையினர்.