வாலிபரை தாக்கிய 3 பேர் மீது வழக்கு !

கீரனூர் அருகே உள்ள தென்னத் திரையன்பட்டியில் கடந்த 25ம் தேதி ஜல்லிக்கட்டு போட்டி நடந்தது. இதில் வாடிவாசல் பகுதியில் ராக்கதாம்பட்டியை சேர்ந்த பாலமுருகன் (20) என்பவருக்கும், புலியூர் பகுதியை சேர்ந்த மாடுபிடி வீரர்களுக்கும் வாய்த்தகராறு ஏற்பட்டது. இந்நிலையில் நேற்று முன்தினம் பாலமுருகன் ஜல்லிக்கட்டு காளையுடன் புலியூர் பகுதியில் சென்றுக்கொண்டிருந்தபோது அவரை வழிமறித்த புலியூரை சேர்ந்த பாலசுப்பிரமணியன் (21) விக்னேஷ் (24) மனோஜ் (20) ஆகிய 3 பேரும் சேர்த்து தாக்கி கத்தியால் குத்திவிட்டு தப்பியோடி விட்டனர். இதுகுறித்து தகவலறிந்த உடையாளிப்பட்டி போலீசார் காயமடைந்த பாலமுருகனை மீட்டு சிகிச்சைக்காக மருத்துவமனையில் சேர்த்தனர். 3 பேர் மீதும் வழக்கு பதிந்து விசாரணை மேற்கொண்டுள்ளனர்.