ஓமலூர் பஸ் நிலையத்தில் செல்போன் திருட்டு - இளைஞர் மீது வழக்கு

சேலம் மாவட்டம், ஓமலூர் அருகே உள்ள ஆர்.சி செட்டிப்பட்டியை சேர்ந்த சிவாஜி என்பவரின் மகன் மணிமாறன்(27) இவர் ஓமலூர் பஸ் நிலையத்தில் தனது இருசக்கர வாகனத்தை வாகனத்தின் கவரில் செல்போனை வைத்துவிட்டு நண்பர்களுடன் பேசிக் கொண்டிருந்தார். அப்போது அங்கு வந்த ஒரு மர்ம நபர் அவரிடம் விலாசம் கேட்பது போல் கேட்டு அவரது இருசக்கர வாகனத்தில் வைத்திருந்த செல்போனை திருட முயன்றுள்ளார். சுதாரித்துக் கொண்ட மணிமாறன் அவரை பிடித்து ஓமலூர் காவல் நிலையத்தில் ஒப்படைத்தார்.இதையடுத்து செல்போன் திருட முயன்ற நபரை விசாரித்த போது அவர் ஓமலூர் இந்திரா நகர் பகுதியை சேர்ந்த ராஜேந்திரன் என்பவருடைய மகன் ரஞ்சித்குமார்(24) என்பது தெரிய வந்தது.இதை தொடர்ந்து மணிமாறன் கொடுத்த புகாரின் பேரில் ஓமலூர் போலீசார் ரஞ்சித்குமார் மீது வழக்கு பதிவு செய்து விசாரணை நடத்தி வருகின்றனர்.