குடிபோதையில் காவலருக்கு மிரட்டல் விடுத்த இளைஞர்கள் மீது வழக்கு பதிவு

காட்டூர் காவல் நிலையத்தில் சிறப்பு காவல் துணை ஆய்வாளராக பணியாற்றி வருவார் முத்துக்குமார். சம்பவத்தன்று தலைமை காவலர் செந்தில்குமார் உடன் இரவு ரோந்து பணி மேற்கொண்டுள்ளார். சித்தாபுதூர் வி.கே.கே மேனன் சாலை வழியாக வந்தபோது அங்கு நிறுத்தபட்டிருந்த காரின் அருகே இளைஞர்கள் மூன்று பேர் மது அருந்தி கொண்டிருந்ததை கண்ட சிறப்பு காவல் துறை ஆய்வாளர் முத்துக்குமார் அவர்களை அங்கிருந்து செல்லுமாறு கூறியுள்ளார்.

மதுபோதையில் இருந்த இளைஞர்கள் வாக்குவாதத்தில் ஈடுபட்டதை அடுத்து தனது செல்போன் மூலம் வீடியோ எடுத்த நிலையில் அவரது அலைபேசியை பறித்து கீழே போட்டு உடைத்த இளைஞர்கள் பீர்பாட்டிலை காண்பித்து அவருக்கு கொலை மிரட்டல் விடுத்துள்ளனர்.இதனை அடுத்து சிறப்பு உதவி காவல் ஆய்வளர் அளித்த புகாரின் பேரில் வழக்கு பதிவு செய்த காட்டூர் காவல் நிலைய போலீசார் கௌதம்,தேவ் மனோஜ், முத்துப்பாண்டியன் ஆகிய மூவர் மீது வழக்கு பதிவு செய்துள்ளனர்.