அரூர் அருகே செல்போன் திருடிய வாலிபர் கைது

அரூர் அருகே உள்ள கெளாப்பாறை பகுதியைச் சேர்ந்த விவசாயி வேலன்(52). இவர் நேற்று முன்தினம், வீட்டில் உள்ள சுவரில் தனது செல்போனை வைத்து விட்டு,தண்ணீர் பிடித்துக் கொண்டிருந்தார். அப்போது அங்கு வந்த வாலிபர், திடீரென செல்போனை எடுத்துக்கொண்டு ஓட்டம் பிடித்தார்.

இதுகுறித்து வேலன் அளித்த புகாரின்பேரில்,அரூர் போலீசார் வழக்குப் பதிவு செய்து, விசாரணை நடத்தினர். அதில் செல்போன் திருட்டில் ஈடுபட்ட அதே பகுதியைச் சேர்ந்த வல்லரசு(21) என்பவரை போலீசார் கைது செய்தனர். இதேபோல், தர்மபுரி அமுதம் காலனி பகுதியை சேர்ந்தவர் ஜீவா(54), முடித்திருத்தும் தொழிலாளி.

இவர் நேற்று முன்தினம் இரவு, வீட்டின் முன்பு தனது டூவீலரை நிறுத்தி விட்டு தூங்க சென்றார். மறுநாள் காலை வந்து பார்த்தபோது, டூவீலர் திருடு போயிருந்தது கண்டு அதிர்ச்சி அடைந்தார். இதுகுறித்து ஜீவா அளித்த புகாரின் பேரில், தர்மபுரி டவுன் போலீசார் வழக்குபதிவு செய்து, விசாரணை நடத்தி வருகின்றனர்.