கிணற்றில் விழுந்த நாய் உயிருடன் மீட்பு

சேலம் மாவட்டம், காடையாம்பட்டி அருகேயுள்ள குண்டுகல் ஊராட்சி கொட்டாளூர்புதூர் என்ற பகுதியில் வசிக்கும் குருசாமி என்பவருடைய மகன் தன்ராஜ்(55) என்பவருடைய நாய் அவரது வீட்டின் அருகே உள்ள விவசாய கிணற்றில் விழுந்துள்ளது. இதை அறிந்த தன்ராஜ் அதிர்ச்சியடைந்து அக்கம் பக்கம் உள்ளவர்கள் உதவியுடன் நாயை மீட்க முயற்சி செய்தார். ஆனால் அந்த முயற்சி வீண் போனதால் காடையாம்பட்டி தீயணைப்புத் துறையினருக்கு தகவல் கொடுத்தார். தகவலை அறிந்த காடையாம்பட்டி தீயணைப்பு நிலைய அலுவலர் ராஜசேகரன் தலைமையில் தீயணைப்பு வீரர்கள் விரைந்து வந்து விவசாய கிணற்றில் விழுந்து உயிருக்கு போராடிக் கொண்டிருந்த நாயை கயிறு கட்டி உயிருடன் மீட்டு உரிமையாளரிடம் ஒப்படைத்தனர். காடையாம்பட்டி அருகே நாய் என்றும் பாராமல் பல கிலோமீட்டர் பயணம் செய்து காடையாம்பட்டி தீயணைப்பு வீரர்கள் கிணற்றில் விழுந்த நாயை மீட்டு உரிமையாளரிடம் ஒப்படைத்த சம்பவத்தை உரிமையாளர் மற்றும் விலங்கு ஆர்வலர்கள் நன்றியும் பாராட்டும் தெரிவித்து வருகின்றனர்.