மேல்மலையனூர் அருகே கார் மோதி விவசாயி பலி

விழுப்புரம் மாவட்டம் மேல்மலையனூர் அருகே மேல் செவலாம்பாடி கிராமத்தைச் சேர்ந்தவர் கமலக்கண்ணன் மகன் ராஜி (50). இவரது உறவினர் தட்சிணாமூர்த்தி மகன் குமார் (50). விவசாயிகள். இவர்கள் இருவரும் ஒரு மோட்டார் சைக்கிளில் மேல்மலையனூர் நோக்கி சென்று கொண்டிருந்தனர். மோட்டார் சைக்கிளை ராஜி ஓட்டிச்சென்றார், எய்யில் கிராமம் அருகே சென்றபோது எதிரே வந்த கார், மோட்டார் சைக்கிள் மீது மோதியது. இதில் படுகாயமடைந்த குமார் சம்பவ இடத்திலேயே பலியானார். ராஜி காயமடைந்தார். அவரை அங்கிருந்தவர்கள் மீட்டு சிகிச்சைக்காக திருவண்ணாமலை அரசு மருத்துவமனைக்கு அனுப்பி வைத்தனர். அங்கு ராஜிக்கு உரிய சிகிச்சை அளிக்கப்பட்டு வருகிறது, விபத்து பற்றி அறிந்த அவலூர்பேட்டை போலீசார் சம்பவ இடத் துக்கு சென்று குமாரின் உடலைக் கைப்பற்றி பிரேத பரிசோதனைக்காக செஞ்சி அரசு மருத்துவமனைக்கு அனுப்பி வைத்தனர். இது குறித்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.