சுற்றுலா வந்த வாலிபரிடம் தங்க சங்கிலி பறிப்பு

கன்னியாகுமரி மாவட்டம் தக்கலை அருகே உள்ள வலியவிளை பகுதியை சேர்ந்தவர் ஷாஜி (27). கட்டிட தொழிலாளி. இவர் நேற்று முன்தினம் மாலையில் மோட்டார் சைக்கிளில் கன்னியாகுமரிக்கு சுற்றுலா சென்றுள்ளார். கன்னியாகுமரி ஜீரோ பாயின்ட் பகுதியில் மோட்டார் சைக்கிள் நிறுத்திவிட்டு இடங்களை சுற்றி பார்த்தார். அப்போது அந்த பகுதியில் அடர்ந்த முட்புதர் நிறைந்த இடத்திற்கு ஷாஜி சிறுநீர் கழிப்பதற்காக சென்றார். அப்போது அங்கு மறைந்திருந்த மர்ம நபர் ஷாஜி கழுத்தில் கிடந்த ஐந்து பவுன் சங்கிலியை பறித்துக் கொண்டு ஓடி விட்டார். இது பற்றி ஷாஜி கன்னியாகுமரி போலீசில் புகார் செய்தார். அதன் பேரில் போலீசார் வழக்கு பதிவு செய்து மர்ம நபரை தேடி வருகிறார்கள்.