திட்டச்சேரி அரசு உயர்நிலைப்பள்ளியில் முப்பெரும் விழா

திட்டச்சேரியில் அரசு பள்ளியில் ஆண்டு விழா நாகை மாவட்டம் திட்டச்சேரி அரசு உயர்நிலைப்பள்ளியில் விளையாட்டு விழா,ஆண்டு விழா,இலக்கிய மன்ற விழா நடைபெற்றது.விழாவிற்கு பள்ளியின் தலைமை ஆசிரியர் கல்யாண சுந்தரம் தலைமை தாங்கினார். பேரூராட்சி மன்ற உறுப்பினர் முகமது சுல்தான்,பள்ளி மேலாண்மை குழு தலைவர் மாதவி ஆகியோர் முன்னிலை வகித்தனர். தமிழ்நாடு மீன் வளர்ச்சி கழக தலைவர் கெளதமன் கலந்து கொண்டு விழாவில் சிறப்புரையாற்றி இலக்கிய மன்ற விழா மற்றும் விளையாட்டு போட்டியில் வெற்றி பெற்ற மாணவ மாணவிகளுக்கு பரிசுகள் வழங்கினார். பட்டதாரி ஆசிரியர் ரமா ஆண்டறிக்கை வாசித்தார்.இதில் பள்ளி மேலாண்மை துணைக்குழு ஹமீது ஜெகபர்,முகமது இப்ராகிம் மற்றும் ஆசிரியர்கள்,மாணவ-மாணவியர்கள்,பள்ளி மேலாண்மை குழு உறுப்பினர்கள்,பெற்றோர் ஆசிரியர் கழக உறுப்பினர்கள்,பள்ளி வளர்ச்சி குழு உறுப்பினர்கள்,பொதுமக்கள் பலர் கலந்து கொண்டனர்.முன்னதாக பள்ளியின் உடற்கல்வி ஆசிரியர் நிர்மல்ராஜ் வரவேற்றார். முடிவில் பட்டதாரி ஆசிரியர் நடராஜன் நன்றி கூறினார்.