ஒசூர் அருகே நள்ளிரவில் பால் வியாபாரி வெட்டி கொலை

கிருஷ்ணகிரி மாவட்டம் ஒசூர் அடுத்த பாகலூர் சாலை எலுவபள்ளி கிராமத்தில் வசித்து வருபவர் கோபாலப்பா மகன் முனிராஜ் (40) இவர்கள் வீடுகள் தோறும் பால் விநியோகித்து பால்வியாபாரம் செய்து வந்துள்ளார்.

நேற்று மாலை வேலைக்காரணமாக பாகலூர் சென்ற முனிராஜ் வீட்டிற்கு திரும்பாத நிலையில், சொந்த ஊரான எலுவபள்ளிக்கு அருகே இருசக்கர வாகனத்தில் வந்தபோது முனிராஜை மர்ம நபர்கள் சரமாரியாக வெட்டி படுகொலை செய்துவிட்டு தப்பி சென்றுள்ளனர்.

அந்த வழியே சென்றவர்கள் போலீசாருக்கு தகவல் தெரிவித்த நிலையில் ரத்த வெள்ளத்தில் உயிரிழந்து கிடந்த முனிராஜ் உடலை மீட்டு ஒசூர் அரசு மருத்துவமனைக்கு அனுப்பி வைத்து பாகலூர் போலீசார் மர்ம நபர்களை தேடி வருகின்றனர் உயிரிழந்த முனிராஜீக்கு, திருமணமாகி மனைவி இருமகள்கள் ஒருமகன் ஆகியோர் உள்ளனர்.

தொழில் போட்டி மற்றும் முன்விரோதம் காரணமாக இந்த கொலை நடந்ததா?அல்லது வேறு ஏதாவது காரணமா?என்று பல்வேறு கோனங்களில் போலீசார் விசாரணை மேற்கொண்டு வருகின்றனர்.