வீட்டின் முன்பு நிறுத்திய காரை களவாடிய மர்மநபர்

வீட்டின் முன்பு நிறுத்திய காரை களவாடிய மர்மநபர். கரூர் மாவட்டம், அரவக்குறிச்சி தாலுகா சின்ன தாராபுரம், ரெங்கபாளையம் அருகே உள்ள ஒத்தமாந்துறை பாரதி கார்டன் பகுதியைச் சேர்ந்தவர் குழந்தைசாமி வயது 54. குழந்தைச் சாமிக்கு சொந்தமான மாருதி சுசுகி ஆல்டோ காரை கடந்த டிசம்பர் 2ஆம் தேதி அவரது வீட்டின் முன்பு நிறுத்திவிட்டு குடும்பத்துடன் கும்பகோணம் சென்றுள்ளார். கும்பகோணம் சென்று அவர் மீண்டும் டிசம்பர் 20ஆம் தேதி வீட்டுக்கு திரும்பிய போது வீட்டின் முன்பு நிறுத்திய காரை காணாதது கண்டு திடுக்கிட்டார்.

மேலும் அக்கம் பக்கத்தாரிடம் தனது நிறுத்தப்பட்ட கார் குறித்து விசாரித்துள்ளார். அது குறித்து யாருக்கும் எந்த தகவலும் தெரியாததால் இதுகுறித்து சின்னதாராபுரம் காவல் நிலையத்தில் குழந்தைசாமி தனது காரை காணவில்லை என புகார் அளித்தார். புகாரை பெற்றுக் கொண்ட காவல்துறையினர், சம்பவ இடத்துக்கு சென்று விசாரணை மேற்கொண்டு, இது தொடர்பாக வழக்கு பதிவு செய்து, காரை களவாடி சென்ற மர்ம நபர் யார்? எந்த ஊரை சேர்ந்தவர்? எந்த நாளில் அவர் காரை களவாடி சென்றார்? என்ற கோணத்தில் விசாரணை மேற்கொண்டு வருகின்றனர் சின்னதாராபுரம் காவல்துறையினர்.