புதிய ரேஷன் கடை திறப்பு

தென்காசி மாவட்டம், சங்கரன்கோவில் சட்டமன்ற தொகுதிக்குட்பட்ட சாயமலை ஊராட்சி சிதம்பராபுரம் கிராமத்தில் அண்ணா மறுமலர்ச்சி திட்டத்தின் கீழ் புதிதாக கட்டப்பட்ட ரேஷன் கடையை மக்கள் பயன்பாட்டிற்காக சங்கரன்கோவில் சட்டமன்ற உறுப்பினர் வழக்கறிஞர் ராஜா திறந்து வைத்தார். இதனை அடுத்து அதே ரேஷன் கடையில் தமிழக அரசின் பொங்கல் தொகுப்பான ரொக்கப்பணம் ரூபாய் 1000, கரும்பு , பச்சரிசி உள்ளிட்ட பொங்கல் பொருட்களை வழங்கி சிறப்பித்தார். இதனை அடுத்து சாயமலை அரசு மேல்நிலைப் பள்ளியில் மாணவ மாணவிகளுக்கு விலையில்லா மிதிவண்டிகளை வழங்கி சிறப்பித்தார். இந்த நிகழ்ச்சியில் ஒன்றிய செயலாளர் கடற்கரை, மாவட்டபிரதிநிதி ராஜகுல ராமர் பாண்டியன்,ஒன்றிய மாணவரணி அமைப்பாளர் செந்தில்நாதன் உள்ளிட்டோர் கலந்து கொண்டனர்.