கோபால்பட்டி அருகே புதிய டிரான்ஸ்பார்மர் அமைக்கப்பட்டது

கோபால்பட்டி அருகே கோம்பைப்பட்டி ஊராட்சியில் உள்ளது,அய்யாபட்டி. அய்யாபட்டி 1வது வார்டு பகுதியில் குடியிருப்புகள், சிறு தொழில் நிறுவனங்கள் அதிகரித்ததால் மின்சார பற்றாக்குறை ஏற்பட்டு குறைந்த மின்னழுத்த பிரச்னை ஏற்பட்டது. இதனால் வீடுகளில் உள்ள மின் விளக்குகள் , விசிறிகள் என மின்சாதன பொருட்கள் அடிக்கடி பழுதானது. இந்த செய்தி வெளி வந்த அன்றே கோபால்பட்டி துணை மின் நிலைய மின்வாரிய அதிகாரிகள் குடியிருப்பு பகுதிகளில் ஆய்வு செய்து குறைந்த மின்னழுத்த பிரச்னை இருப்பதை உறுதி செய்தனர். இதை தொடர்ந்து 1வது வார்டு பகுதியில் 25 கிலோ வாட் கொண்ட புதிய மின்சார டிரான்ஸ்பார்மர் அமைக்கப்பட்டது. மின்வாரிய உதவி பொறியாளர் ஆனந்த் பாபு துவக்கி வைத்தார்.