டிரினிடி கல்லூரியில் 'ஆங்கில தகவல் தொடர்பியல் ' ஒரு வாரப் பயிற்சி முகாம் !

நாமக்கல் - டிரினிடி மகளிர் கலை மற்றும் அறிவியல் கல்லூரியின் ஆங்கிலத் துறையின் சார்பில் 'ஆங்கில தகவல் தொடர்பியல் ' ஒரு வாரப் பயிற்சி முகாம் கல்லூரி வளாகத்தில் நடைபெற்றது. நிறைவு விழா நிகழ்ச்சியில் கல்லூரித் தலைவர் கே. நல்லுசாமி கலந்து கொண்டு தமிழ் மற்றும் ஆங்கிலம் ஆகியவற்றினை பிற மொழி கலப்பில்லாமல் பேசும் திறனை மாணவிகள் வளர்த்துக் கொள்ள வேண்டும் என்றார். இந்நிகழ்வில் இலக்கணப் பிழைகள் இல்லாமல் ஆங்கிலம் பேசுதல், எழுதுதல் மற்றும் தன் திறன் மேம்பாட்டு நிகழ்ச்சிகள் நடைபெற்றன. செயல் இயக்குநர் அருணா செல்வராஜ், முதல்வர் எம். ஆர். லட்சுமிநாராயணன், வேள்ளிவிழா நிகழ்வின் குழு ஒருங்கிணைப்பாளர் அரசுபரமேசுவரன் மற்றும் ஆங்கிலத்துறை பேராசிரியர்கள், முதலாம் ஆண்டு இளநிலை பாடப்பிரிவுகளின் மாணவிகள் கலந்து கொண்டனர்.