பைக் ஓட்டிய போது கீழே விழுந்தவர் உயிரிழப்பு.

திண்டுக்கல் மாவட்டம், ஒட்டன்சத்திரம் தாலுகா, ஆதன்பட்டி அருகே உள்ள துறையூர் பகுதியைச் சேர்ந்தவர் சங்கர் வயது 50 . இவர் டிசம்பர் 19ஆம் தேதி காலை எட்டு மணி அளவில் அவருக்கு சொந்தமான டூவீலரில், கரூர் மாவட்டம், அரவக்குறிச்சி தாலுகா, பள்ளப்பட்டி மின்வாரிய அலுவலகம் அருகே வந்து கொண்டிருந்தபோது, திடீரென அவருக்கு உடல் நல பாதிப்பு ஏற்பட்டதால், வாகனத்துடன் கீழே விழுந்தது தலையில் பலத்த அடிபட்டது.

உடனடியாக அவரை மீட்டு, கரூர் அரசு மருத்துவக் கல்லூரியில் மருத்துவமனையில் சிகிச்சைக்கு அனுமதித்து, மேல் சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு சிகிச்சையில் இருந்து வந்த அவர், சிகிச்சை பலனின்றி உயிரிழந்தார்

இச்சம்பவம் குறித்து சங்கரின் மகன் ராஜ்வர்மா வயது 22 என்பவர்,இது குறித்து அரவக்குறிச்சி காவல் துறையினருக்கு அளித்த புகாரின் பேரில், சம்பவ இடத்திற்கு சென்று விசாரணை மேற்கொண்டு, உயிரிழந்த சங்கரின் உடலை உடற்கூறு ஆய்வுக்காக,திருச்சி அரசு மருத்துவமனை சவகிடங்குக்கு அனுப்பி வைத்து, இது தொடர்பாக வழக்கு பதிவு செய்து விசாரணை கொண்டு வருகின்றனர் அரவக்குறிச்சி காவல்துறையினர்.