மதுபோதையில் தவறி விழுந்த அனல்மின் நிலைய ஒப்பந்த ஊழியர் பலி

தூத்துக்குடி அருகே மதுபோதையில் தவறி விழுந்த அனல்மின் நிலைய ஒப்பந்த ஊழியர் பரிதாபமாக உயிரிழந்தார். இதுகுறித்து போலீஸ் தரப்பில் கூறப்படுவதாவது, தூத்துக்குடி மாவட்டம், புதுக்கோட்டை கலாம் நகரை சேர்ந்தவர் தர்மர் (50). இவர் தூத்துக்குடி அனல் நிலையத்தில் ஒப்பந்த தொழிலாளியாக வேலை பார்த்து வருகிறார். இவருக்கு மது குடிக்கும் பழக்கம் இருந்துள்ளது. நேற்று கூட்டாம்புளியில் உள்ள மதுபான கடையில் மது குடித்துள்ளார்.

பின்னர் சிறுநீர் கழிப்பதற்காக கால்வாய் அருகே நடந்து செல்லும் போது கால் தவறி கீழே விழுந்ததில் தலையில் பலத்த காயம் ஏற்பட்டு சம்பவ இடத்திலேயே உயிரிழந்தார். இதுகுறித்து தகவல் அறிந்து புதுக்கோட்டை போலீசார் சம்பவ இடத்திற்கு சென்று அவரது உடலை கைப்பற்றி பரிசோதனைக்கு அனுப்பி வைத்தனர். மேலும் சம்பவம் குறித்து வழக்குப் பதிந்து விசாரணை நடத்தி வருகின்றனர்.