வீட்டிற்குள் மலைபாம்பு புகுந்ததால் பரபரப்பு

புதுக்கோட்டை மாவட்டம் திருமயம் அருகே உள்ள ராங்கியம் ஏகாளியம்மன் கோவில் பகுதியைச் சேர்ந்தவர் ராஜு வயது (46) விவசாயி இவரது வீட்டில் ஏராளமான கோழிகளை வளர்த்து வந்தார். அதிகாலையில் கோழிகள் கத்தும் சத்தம் கேட்டு வீட்டில் இருந்தவர்கள் எழுந்து சென்று பார்த்த போது மலை பாம்பு ஒன்று கோழியை விழுங்கிய நிலையில் கிடந்தது. அதிர்ச்சி அடைந்த அவர்கள் திருமயம் தீயணைப்பு நிலையத்துக்கு தகவல் தெரிவித்தனர். நிலைய அலுவலர் பொ. ராஜகோபால் தலைமையிலான மீட்பு படையினர் விரைந்து வந்து எட்டடி நீளம் உள்ள மலைப்பாம்பை லாபகமாக மடக்கி பிடித்தனர். பின்னர் மலைப்பாம்பு வனத்துறையினரிடம் ஒப்படைக்கப்பட்டது.