மாட்டு கொட்டகைக்குள் புகுந்த பாம்பால் பரபரப்பு

சாணார்பட்டி அருகே உள்ள கன்னியாபுரத்தை சேர்ந்தவர் முனியம்மாள். இவரது மாட்டு கொட்டகைக்குள் நேற்று கருநாக பாம்பு ஒன்று புகுந்தது. பாம்பை கண்டு அலறிய முனியம்மாள் நத்தம் தீயணைப்பு நிலையத்துக்கு தகவல் தெரிவித்தார். தகவலின் பேரில் சம்பவ இடத்திற்கு வந்த தீயணைப்பு வீரர்கள், சுமார் 6 அடி நீள கருநாக பாம்பை லாவகமாக பிடித்தனர். பின்னர் அந்த பாம்பு வனப்பகுதியில் விடப்பட்டது.