கிணற்றில் தவறி விழுந்த புள்ளிமான் உயிருடன் மீட்பு

பெரம்பலூர் மாவட்டம் வேப்பந்தட்டை அடுத்துள்ள பூலாம்பாடி மேலகுனங்குடி கிராமத்தை சேர்ந்தவர் வெங்கடேசன் வயது 45 விவசாயி. நேற்று இரண்டு வயது மதிக்கத்தக்க ஆண் புள்ளிமான் ஒன்று இவரது விவசாய கிணற்றில் விழுந்து உயிருக்கு போராடிக் கொண்டிருந்தது. இதனைக் கண்ட வெங்கடேசன் வனத்துறையினருக்கு தகவல் தெரிவித்தார். பின்னர் சம்பவ இடத்திற்கு வனவர் அஜித்குமார் வனக்காப்பாளர் ரோஜா மற்றும் பெரம்பலூர் தீயணைப்பு வீரர்கள் சம்பவ இடத்திற்கு விரைந்து சென்று கிணற்றில் உயிருக்கு போராடிக் கொண்டிருந்த மானை கயிறு மூலம் பத்திரமாக வெளியே கொண்டு வந்தனர். பின்னர் கால்நடை மருத்துவரை கொண்டு சிகிச்சை அளித்து அந்த மானை அரசடிக்காடு வனச்சரக பகுதியில் பாதுகாப்பாக கொண்டு சென்று விட்டனர்.