திருச்சுழி அருகே குப்பைக் கழிவுகளில் திடீரென தீப்பிடித்ததால் பரபரப்பு

விருதுநகர் மாவட்டம் திருச்சுழி அருகே உள்ள கொட்டம் கிராமத்தில் குடியிருப்புப் பகுதியில் உள்ள ஆட்டுக் கொட்டகை அருகே குப்பைகள் மற்றும் ஆடுகளின் கழிவுகள் கொட்டி இருந்ததாக கூறப்படுகிறது.

இந்த நிலையில் குடியிருப்புப் பகுதியில் ஆட்டுக் கொட்டகை அருகே குப்பை கழிவுகளில் திடீரென தீப்பிடித்ததால் பரபரப்பு ஏற்பட்டது. இதையடுத்து கிராம மக்கள் உடனடியாக இதுகுறித்து திருச்சுழி தீயணைப்பு மற்றும் மீட்புப் பணிகள் நிலையத்திற்கு தகவல் அளித்தனர்.

இதனையடுத்து சம்பவ இடத்திற்கு விரைந்து சென்ற திருச்சுழி தீயணைப்பு நிலைய சிறப்பு அலுவலர் முனீஸ்வரன் தலைமையிலான தீயணைப்பு வீரர்கள் குப்பையில் பற்றி எரிந்த தீயை தண்ணீரைப் பீய்ச்சி அடித்து அணைத்தனர். இதனால் பெரும் அசம்பாவிதம் தவிர்க்கப்பட்டது.