சாமந்தி பூ விலை திடீர் உயர்வு

கிருஷ்ணகிரி மாவட்டம், ஓசூர் மற்றும் கர்நாடக மாநிலத்தில் விளையும் சாமந்தி பூ காஞ்சிபுரத்தில் விற்பனைக்காக கொண்டு வரப்படுகிறது. காஞ்சிபுரத்தில் கடந்த வாரம் கிலோ சாமந்தி 80 ரூபாய் வரை விற்பனை செய்யப்பட்டது. இந்நிலையில், நேற்று முன்தினம் உகாதி பண்டிகையையொட்டி சாமந்தி பூவின் தேவை அதிகரித்ததாலும், பண்டிகையையொட்டி, சாமந்தி தோட்டத்தில் பணிபுரியும், தெலுங்கு, கன்னட மொழி பேசும் விவசாய கூலி தொழிலாளர்கள் உகாதி பண்டிகைக்கு விடுமுறை எடுத்ததால், காஞ்சிபுரம் பூக்கடை சத்திரத்திற்கு நேற்று சாமந்தி பூ வரத்து முற்றிலும் நின்றுவிட்டது. இதனால், திடீரென உயர்ந்ததால், கிலோ சாமந்தி, 500 ரூபாய்க்கும், 100 கிராம் பூ, 50 ரூபாய்க்கும் விற்பனை செய்யப்பட்டது. சாமந்தி பூ வரத்து துவங்கியவுடன் விலை வழக்கம்போல குறையும் என, வியாபாரிகள் தெரிவித்தனர்."