சாலை விபத்தில் வாலிபர் பலி

கள்ளக்குறிச்சி மாவட்டம் மூங்கில் துறைப்பட்டு மேம்பாலத்தில் பைக் மீது அரசு பஸ் மோதியதில் வாலிபர் இறந்தார். மூங்கில்துறைப்பட்டு அடுத்த மைக்கேல்புரத்தைச் சேர்ந்தவர் மைக்கேல் மதன் ஸ்டீபன், 26; இவர், நேற்று மதியம் மூங்கில்துறைப்பட்டிலிருந்து திருவண்ணாமலை நோக்கி அப்பாச்சி பைக்கில் சென்றார். மூங்கில்துறைப்பட்டு தென்பெண்ணையாற்றின் மேம்பாலத்தில் எதிரே வந்த அரசு பஸ், பைக் மீது மோதியது. இதில், ஸ்டீபன் சம்பவ இடத்திலேயே இறந்தார். புகாரின் பேரில், மூங்கில்துறைப்பட்டு போலீசார் வழக்குப்பதிந்து விசாரித்து வருகின்றனர்.