திருப்பூரில் சுற்றுலாவேன் ஏறியதில் வாலிபர் பலி

திருப்பூரில் சுற்றுலா வேன் ஏறியதில் சாலையில் குடிபோதையில் படுத்து இருந்த வாலிபர் பலி. அவர் யார் என போலீசார் விசாரணை! திருப்பூர் நல்லூரை அடுத்த காசிபாளையம் பகுதியில் 25 வயது மதிக்கத்தக்க அடையாளம் தெரியாத வாலிபர் ஒருவர் மது போதை ரோட்டில் படுத்து தூங்கிக் கொண்டிருந்தார்.

அப்போது அந்த வழியாக வந்த சுற்றுலாவேன் அந்த வாலிபர் மீது ஏறி விபத்து ஏற்பட்டது. அந்த விபத்தில் வாலிபர் சம்பவ இடத்திலேயே பலியானார். இது குறித்து நல்லூர் போலீசருக்கு தகவல் தெரிவிக்கப்பட்டது. சம்பவ இடத்துக்கு வந்த நல்லூர் போலீசார் வாலிபர் உடலை கைப்பற்றி பிரேத பரிசோதனைக்காக திருப்பூர் அரசு மருத்துவக் கல்லூரி மருத்துவமனைக்கு அனுப்பி வைத்தனர்.

மேலும் இது குறித்து வழக்கு பதிவு செய்து பலியான வாலிபர் யார் எந்த ஊரைச் சேர்ந்தவர் என்பது குறித்து விசாரித்து வருகின்றனர்...