ஏற்காட்டில் விபத்தில் சிக்கிய வாலிபர் பலி

சேலம் மாவட்டம், ஏற்காடு அருகே கீரைகாடு கிராமத்தைச்சேர்ந்த சந்திரன் மகன் அகிலன்(21). இவரது உறவினர் பூபாலன் மகன் கவின்(22). இவர்கள், கடந்த 5ம் தேதி ஒரே டூவீலரில் ஏற்காடு புறப்பட்டனர். தனியார் ஓட்டல் அருகே வேகமாக வந்தபோது, அங்கு நிறுத்தி வைக்கப்பட்டிருந்த காரின் மீது டூவீலர் மோதியது.

இதில், இருவரும் தூக்கி வீசப்பட்டு படுகாயமடைந்தனர். கார் மற்றும் டூவீலர் பலத்த சேதமடைந்தது. அருகில் இருந்தவர்கள் இருவரையும் மீட்டு, ஏற்காடு அரசு மருத்துவமனையில் சேர்த்தனர். பின்னர், மேல் சிகிச்சைக்காக சேலம் அரசு மருத்துவமனைக்கு கொண்டு செல்லப்பட்டனர். அங்கு, தீவிர சிகிச்சையளித்தும் பலனின்றி நேற்று அகிலன் பரிதாபமாக உயிரிழந்தார்.