சாலையோர மரத்தில் மோட்டார் பைக் மோதிய விபத்தில் வாலிபர் பலி

திருச்சி மாவட்டம், துறையூர் அருகே சிக்தம்பூர் மாரியம்மன் கோவில் தெருவைச் சேர்ந்தவர் சரவணன் இவரது மகன் 26 வயதான தனபாலன். இவர் தனது மோட்டார் பைக்கில் துறையூர் தம்மம்பட்டி சாலையில் சென்றுகொண்டிருந்தார். அப்போது ஒக்கரை கைகாட்டி பகுதியில் சென்று கொண்டிருந்த போது சாலையோரம் இருந்த புங்கன் மரத்தின் மீது எதிர்பாராத விதமாக மோட்டார் பைக் மோதி விபத்துக்குள்ளானது.

இந்த விபத்தில் தனபாலன் படுகாயம் அடைந்தார்.விபத்தைக் கண்ட அக்கம் பக்கத்தினர் அவரை மீட்டு சிகிச்சைக்காக துறையூர் அரசு மருத்துவமனைக்கு அனுப்பி வைத்தனர். அங்கு பரிசோதனை செய்த மருத்துவர்கள் அவர் உயிரிழந்து விட்டார் என கூறினார் . இந்த விபத்து குறித்து தகவலறிந்த உப்பிலியபுரம் போலீசார் அவரது உடலை கைப்பற்றி உடற்கூறு ஆய்விற்க்காக துறையூர் அரசுமருத்துவமனையில் அனுமதித்தனர். பின்னர் இந்த விபத்து குறித்து வழக்கு பதிவு செய்து விசாரணை செய்து வருகின்றனர்.