மோட்டார் சைக்கிள் மோதி வாலிபர் பலி

தென்காசி மாவட்டம், வாசுதேவநல்லூர் அருகேயுள்ள நாரயணபுரம் பவுண்டு தொழு தெருவைச் சேர்ந்தவர் கோவிந்தன் மகன் அங்குராஜ் (வயது 30). நேற்று இவர் தனது பைக்கில் திருமலாபுரம் விலக்கு பகுதியில் சென்ற போது எதிரே வந்த பைக் திடீரென மோதியது. இந்த விபத்தில் அங்குராஜ் மற்றும் எதிரே பைக்கை ஓட்டி வந்த அழகுதுரை மகன் அருள்ராஜன் (33) ஆகியோர் படுகாயம் அடைந்தனர்.

இவ்விருவரும் சிவகிரி அரசு மருத்துவமனையில் சிகிச்சைக்காகச் சேர்க்கப் பட்டனர். பின்னர் மேல்சிகிச்சைக்காக அங்குராஜ் திருநெல்வேலி அரசு மருத்துவக்கல்லூரி மருத்துவமனையில் சேர்க்கப்பட்டார். ஆனால் அங்கு சிகிச்சை பலனின்றி அங்குராஜ் பரிதாபமாக இறந்தார். இச்சம்வம் குறித்து வாசுதேவநல்லூர் காவல் நிலையத்தில் புகார் செய்யப்பட்டது. போலீசார் வழக்கு பதிவு செய்து விசாரணை நடத்தி வருகின்றனர்.