வந்தவாசி அருகே கஞ்சா விற்ற வாலிபர் கைது

திருவண் ணாமலை மாவட்டம், வந்தவாசி வடக்கு போலீஸ் சப்- இன்ஸ்பெக்டர் ராம்குமார், ஏட்டு ஏழுமலை ஆகியோர் நேற்று முன்தினம் தென் சேந்தமங்கலம் கிராமத்தில் ரோந்து சென்றனர். அப்போது அங்குள்ளமுள் புதரில் சந்தேகத்திற்கு இடமாக வாலிபர் ஒருவர் நின்றுகொண்டிருந்தார்.

அவரிடம் போலீசார் விசாரணை செய்ததில் அவரது பேன்ட் பாக்கெட்டில் கஞ்சா பொட்டலங்கள் இருந்தது தெரியவந்தது. உடனடியாக அவரை காவல் நிலையம் கொண்டு வந்து விசாரணை மேற்கொண்டதில் அதே பகுதியை சேர்ந்த செந்தமிழ்செல்வன்(19) என தெரிவந்தது. பின்னர் செந்தமிழ்செல்வனை போலீசார் கைது செய்து, அவரிடம் இருந்த கஞ்சா பொட்டலங்களை பறிமுதல் செய்தனர்.

மேலும் இதுகுறித்து சப்- இன்ஸ்பெக்டர் கோவிந்தராஜிலு வழக்குப்பதிவு செய்து தொடர்ந்து விசாரணை நடத்தி வருகின்றார்