குளக்கரையில் தவறி விழுந்த வாலிபர் பலி

திருவண்ணாமலை மாவட்டம் வந்தவாசி அடுத்த மாரியம்மன் கோவில் தெருவை சேர்ந்தவர் அலெக்சாண்டர். இவரது மனைவி ஜெய ஸ்ரீ. அலெக்சாண்டரை அவரது நண்பர்கள் அழைத்து சென்றுள்ளனர்.கணவர் வீட்டுக்கு வராததால் நண்பர்களிடம் ஜெயஸ்ரீ விசாரித்துள்ளார்.

அப்போது அலெக்சாண்டர் குளக்கரையில் தவறி விழுந்துவிட்டதாக தெரிவித்துள்ளனர். அலெக்சாண்டர் சேற்றில் தலைக்குப்புற விழுந்து கிடந்த நிலையில் அவரை சிகிச்சைக்காக மருத்துவமனைக்கு அழைத்துச் சென்றனர்.

பரிசோதனையில் ஏற்கனவே இறந்து விட்டதாக தெரிவித்தனர்.இதுகுறித்து கீழ்கொடுங்காலூர் காவல் நிலைய போலீசார் விசாரணை நடத்தி வருகின்றனர்.