மருந்து கடையில் செல்போன் திருடிய வாலிபர் கைது!

தூத்துக்குடி அருகே உள்ள அந்தோணியார்புரத்தை சேர்ந்தவர் ஏசுதாஸ் (44). சம்பவத்தன்று இவர் தூத்துக்குடி ஜெயராஜ் சாலையில் உள்ள மருந்து கடையில் மாத்திரை வாங்கி கொண்டு இருந்தார். அப்போது, தனது செல்போனை மெடிக்கல் முன்பு உள்ள மேஜை மீது வைத்து இருந்துள்ளார்.

அப்போது அங்கு வந்த மர்ம நபர் செல்போனை திருடிக்கொண்டு தப்பி சென்று விட்டாராம். இது குறித்த புகாரின் பேரில் மத்தியபாகம் போலீஸ் சப்-இன்ஸ்பெக்டர் அந்தோணி சூசைராஜ் வழக்கு பதிவு செய்து விசாரணை நடத்தினார்.

விசாரணையில், தூத்துக்குடி லூர்தம்மாள்புரத்தைச் சேர்ந்த அய்யாத்துரை மகன் ரூபன் (20) என்பவர் செல்போனை திருடிச்சென்றது தெரிய வந்தது. உடனடியாக போலீசார் ரூபனை கைது செய்தனர்.