இருசக்கர வாகனத்தில் வேகமாக சென்ற வாலிபர் பலி

திண்டுக்கல் மாவட்டம், குஜிலியம்பாறை அருகே இலந்தக்கோட்டை, கரும்புள்ளிபட்டி பகுதியைச் சேர்ந்தவர் ரங்கநாதன் வயது 45. இவர் மே நான்காம் தேதி இரவு பத்தே கால் மணியளவில், கரூர் - திண்டுக்கல் சாலையில் அவரது டூவீலரில் சென்று கொண்டிருந்தார். இவரது வாகனம் வெள்ளியணை அருகே உள்ள ஐஓசி பெட்ரோல் பங்க் அருகே வேகமாக சென்ற போது, வாகனம் கட்டுப்பாட்டை இழந்து, கீழே விழுந்து விபத்து ஏற்பட்டது.

இந்த விபத்தில் ரங்கநாதனுக்கு தலையில் பலத்த காயம் ஏற்பட்டு சம்பவ இடத்தில் துடி துடித்து உயிரிழந்தார். இந்த சம்பவம் அறிந்த ரங்கநாதன் மனைவி பத்மினி வயது 44 என்பவர், அளித்த புகாரின் பேரில், சம்பவ இடத்துக்கு விரைந்து வந்த காவல்துறையினர், உயிரிழந்த ரங்கநாதன் உடலை உடற்கூறு ஆய்வுக்காக, கரூர் அரசு மருத்துவக் கல்லூரி மருத்துவமனை சமக்கிடங்கிற்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர்.