வந்தவாசி வட்ட தமிழ்ச்சங்கம் சார்பில் சிந்தனை அரங்கம்

திருவண்ணாமலை மாவட்டம், வந்தவாசி பாலாம்பாள் திருமண மண்டபத்தில் வந்தவாசி வட்ட தமிழ்ச்சங்கம் சார்பில் சிந்தனை அரங்கம் தலைவர் வே.சிவராமகிருஷ்ணன் தலைமையில் நடைபெற்றது. வந்தவாசி வட்ட ஓய்வு பெற்ற அலுவலர்கள் சங்க தலைவர் பொன்.ஜினக்குமார் முன்னிலை வகித்தார். தமிழ்ச் சங்கசெயலாளர் ஆ.மயில்வாகனன் அனைவரையும் வரவேற்றார்.

சிந்தனை அரங்கத்தில்,காதல்பிரிவும் கானல் வரியும் என்ற தலைப்பில் தென்னாங்கூர் அரசு கலை அறிவியல் கல்லூரி பேராசிரியர் மா.ரஜினி உரையாற்றினார். சிந்தனைப் பனுவல் என்ற தலைப்பில் தலைவர் வே.சிவராம கிருஷ்ணன் தலைமையில் கவியரங்கம் நடைபெற்றது.இதில்,இணைச்செயலாளர்கள் ப. அழகேசன் கோ.ஸ்ரீதர்,மகளிர் அணி செயலாளர் அரங்க சந்திரசாலிகை, செயற்குழு உறுப்பினர் கோ.பட்டு ஆகியோர்கள் கவிதைகள் வாசித்தனர். தொடர்ந்து இளங்காடு அரசு உயர்நிலைப்பள்ளி 10ஆம் வகுப்பு மாணவி கா.சக்தி நிகழ்த்திய எது அறம் என்ற ஓரங்க நாடகம் நடைபெற்றது. இலண்டன் உலக தமிழோசை சங்கத்தின் நிறுவனர் கவிராசன் மகராசனுக்கு சிறந்த தமிழ் சேவைக்கான விருதினை தமிழ் சங்கத் தலைவர் வே.சிவராமகிருஷ்ணன் வழங்கினார் இந்த நிகழ்ச்சியில், பொருளாளர் த.முருகவேல், தெ.உஷாராணி, சு. வீரராகவன் துணைத்தலைவர் ம.ம.பழனி உள்ளிட்ட ஏராளமானோர் கலந்து கொண்டனர். சங்க தகவல் தொடர்பாளர் மு.பிரபாகரன் நன்றி கூறினார்.