ஆம்பூர் அருகே மின்மாற்றியை உடைத்து காப்பர் கம்பிகள் கொள்ளை

திருப்பத்தூர் மாவட்டம் ஆம்பூர் அடுத்த சோமலாபுரம் ஊராட்சிக்குட்டப்பட்ட சின்ன கொம்பேஸ்வரம் பகுதியில் உள்ள தேசிய நெடுஞ்சாலையை ஒட்டியுள்ள பாலாறு படுக்கையில், ஒகேனக்கல் கூட்டு குடிநீர் திட்டத்திற்கான நீர் இறைப்பான் அறை மற்றும் கூட்டு குடிநீர் தேக்கத்தொட்டி கட்டப்பட்டு, சுமார் 12 கிராம மக்களுக்கு ஒகேனக்கல் கூட்டு குடிநீர் வழங்கப்பட்டு வரும் நிலையில்,

நீர் இறைப்பான் அறையிற்காக அதன் அருகிலேயே மின்சார வாரியம் சார்பில் 250 kv மின்மாற்றி அமைக்கப்பட்டிருந்த நிலையில், மின்மாற்றியிலிருந்து சுமார் 3 லட்சம் மதிப்பிலான காப்பர் கம்பிகள் மற்றும் நீர் இறைப்பான் அறையில் இருந்த மின்சாதன பொருட்களை மர்ம நபர்கள் கொள்ளையடித்துச்சென்றுள்ளனர்.

பின்னர் இக்கொள்ளைச்சம்பவம் குறித்து ஆம்பூர் மின்வாரிய இளநிலை பொறியாளர் கார்த்திகேயன், ஆம்பூர் கிராமிய காவல்நிலையத்தில் புகார் அளித்ததின் பேரில் இக்கொள்ளைச்சம்பவம் குறித்து ஆம்பூர் கிராமிய காவல்துறையினர் வழக்குபதிவு செய்து மின்மாற்றியிலிருந்து காப்பர் கம்பிகளை கொள்ளையடித்துச்சென்ற மர்ம நபர்களை தேடி வருகின்றனர்..

மேலும் தேசிய நெடுஞ்சாலையொட்டியுள்ள மின்மாற்றியிலிருந்து 3 லட்சம் மதிப்பிலான காப்பர் கம்பிகள் கொள்ளையடிக்கப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.