நடையனூர் அருகே நடந்து சென்றவர் மீது டூவீலர் மோதி விபத்து

நடையனூர் அருகே நடந்து சென்றவர் மீது டூவீலர் மோதி விபத்து. ஒருவர் படுகாயம். கரூர் மாவட்டம், புகலூர் தாலுக்கா, நடையனுர் அருகே உள்ள சொட்டையூர் பகுதியைச் சேர்ந்தவர் சுந்தரேசன் வயது 50. இவர் ஜூலை 8-ம் தேதி இரவு 8 மணி அளவில், நொய்யலில் இருந்து வேலாயுதம்பாளையம் செல்லும் சாலையில் நடந்து சென்று கொண்டிருந்தார்.

அப்போது நடையனூர் பஸ் ஸ்டாப் அருகே நடந்து சென்ற போது, அதே சாலையில் கரூர் மாவட்டம், மண்மங்கலம் தாலுக்கா, நன்னியூர் புதூர் அருகே உள்ள கோவில்பாளையம் பகுதியைச் சேர்ந்த கார்த்திக் வயது 33 என்பவர் வேகமாக ஓட்டி வந்த டூ வீலர், நடந்து சென்ற சுந்தரேசன் மீது மோதி விபத்து ஏற்பட்டது. இந்த விபத்தில் தலை மற்றும் மூக்கில் பலத்த காயம் ஏற்பட்டதால் சுந்தரேசனை மீட்டு, தனியார் ஆம்புலன்ஸ் மூலம் கரூரில் உள்ள அக்க்ஷயா மருத்துவமனையில் சிகிச்சைக்காக அனுமதிக்கப்பட்டார்.

இந்த சம்பவம் அறிந்த சுந்தரேசனின் மனைவி முருகேஸ்வரி என்கிற ஈஸ்வரி வயது 41 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய கார்த்திக் மீது வழக்கு பதிவு செய்துள்ளனர் வேலாயுதம்பாளையம் காவல்துறையினர்.