துணிகரம் 35பவுன் தங்க நகைகள் ஒரு இருசக்கர வாகனம் திருட்டு போலீசார் விசாரணை..

நாமக்கல் மாவட்டம் ராசிபுரம் மேட்டுத்தெரு பகுதியில் குடியிருக்கும் முன்னாள் தீயணைப்புத்துறை அதிகாரி அழகப்பன் வீட்டில் 35 பவுன் தங்க நகைகள், ரொக்கம் மற்றும் ஒரு இருசக்கர வாகனம் நிறுத்தி இருந்தார். இந்நிலையில் அதிகாலை வேளையில் திருட்டு சம்பவம் நடந்துள்ளது. திருடர்கள் வீடு முழுவதும் மஞ்சள் பொடி தெளித்துச் சென்றதால் குடியிருப்பு வாசிகள் குழப்பத்தில் ஆழ்ந்தனர் இதனால் சிறிது நேரம் அப்பகுதியில் பரபரப்பு ஏற்பட்டது. நாமக்கல் மாவட்டம் ராசிபுரம் மாரியம்மன் கோயில் அருகே உள்ள மேட்டு தெரு பகுதியில் வசிப்பவர் முன்னாள் தீயணைப்புத்துறை அதிகாரி அழகப்பன்.

இவர் தன் மகளை கல்லூரி சேர்ப்பதற்கு சென்னை சென்றுள்ள நிலையில் வீட்டில் யாரும் இல்லை என அறிந்த மர்ம நபர்கள் வீட்டுக்குள் நுழைந்து திருட்டு சம்பவத்தில் ஈடுபட்டுள்ளனர் . வீட்டின் உள்ளே நுழைந்த மர்ம நபர் குறிப்பிட்ட இடத்தில் உள்ள நகைகளை திருடி வீட்டு மேலும் வீடு முழுவதும் மஞ்சள் தூளை தெளித்துச் உள்ளான், தொடர்ந்து அவர் பயன்படுத்தக்கூடிய இருசக்கர வாகனத்தை வீட்டிலிருந்து அதையும் எடுத்துச் சென்றுள்ளனர். சம்பவம் குறித்து ராசிபுரம் காவல்துறை அதிகாரிகளுக்கு தகவல் தெரிவிக்கவே சம்பவ இடத்தில் காவல் ஆய்வாளர் செல்வராசு மற்றும் உதவி காவல் ஆய்வாளர் சிவா, விசாரணை நடத்தினர்.

மேலும் கைரேகை நிபுணர்கள் வரவழைக்கப்பட்டு தொடர்ந்து வீடு முழுவதும் சோதனை செய்தனர். தொடர் விசாரணைக்கு பின்பு தான் தொடர்ந்து எத்தனை பவுன் நகை ரொக்க பணம் திருடப்பட்டு உள்ளது எவ்வளவு என தெரியவரும் என காவல்துறை அதிகாரிகள் தெரிவித்துள்ளனர். இச்சம்பவத்தால் இப்பகுதியில் ஒரு மணி நேரத்திற்கு மேலாக பரபரப்பான சூழ்நிலை ஏற்பட்டது.