மத்தூர் அருகே தனியார் பேருந்தும் கண்டெய்னர் லாரியும் மோதிய வீடியோ வைரல்

மத்தூர் அருகே தனியார் பேருந்தும் கண்டெய்னர் லாரியும் மோதிக்கொண்ட விபத்து விடியோ தற்பொழுது வெளியாகியுள்ளது.

கிருஷ்ணகிரி மாவட்டம் போச்சம்பள்ளி அடுத்த மத்தூர் புறநகர் சாலையில் தற்பொழுது மேம்பாலம் அமைக்கும் பணிகள் நடைபெற்று வருகிறது. இதில் வாகனங்கள் செல்ல மாற்று பாதை ஏற்பாடு செய்துள்ள நிலையில் சிப்காட்டில் இயங்கி வரும் இருசக்கர வாகனம் தயாரிக்கும் நிறுவனத்திற்கு இரு சக்கர வாகனங்களை எற்றி வந்த கண்டெய்னர் லாரியும் தனியார் பேருந்தும் மோதி விபத்து ஏற்பட்டது.

இந்த விபத்தில் பேருந்தில் இருந்தவர்களுக்கு அதிர்ஷ்டவசமாக ஏதும் காயம் ஏற்படாத நிலையில் பேருந்து மற்றும் கண்டெய்னர் லாரியின் முன்பக்க பகுதி மட்டும் சேதம் அடைந்தது. பின்னர் இந்த விபத்து காட்சியானது அங்கிருந்த சிசிடிவி கேமராவில் பதிவாகி இருந்த நிலையில் அந்த வீடியோவனது.

தற்போது வெளியாகி பரபரப்பு ஏற்படுத்தி உள்ளது. மேலும் இந்த இடத்தில் அடிக்கடி விபத்து ஏற்படுகிறது. இதுகுறித்து அந்த இடத்தை சம்மந்தப்பட்ட அதிகாரிகள் ஆய்வு மேற்கொண்டு விபத்தை தடுக்க வழிவகை செய்ய வேண்டும் என்று வாகன ஓட்டிகள் மற்றும் சமுக ஆர்வலர்களின் எதிர்பார்ப்பாக உள்ளது.