கார் மீது லாரி மோதிய விபத்தில் பெண் ஒருவர் பலி

சென்னை ஆவடியை சேர்ந்த வெங்கடேஸ்வரன் மனைவி ஹேமலதா (60), இவரது மகன் மாதவன் (29), அதே பகுதியை சேர்ந்த ராமமூர்த்தி மகன் தங்கராஜன் (35), இவரது மனைவி பூங்கொடி (30), மகன்கள் வெற்றிச்செல்வன் (7), மோகித்தம் (5), அதே பகுதியை சேர்ந்த வெங்கடேசன் மனைவி சசிகலா (48), இவரது மகள் காவியா (24) மற்றொரு மகள் மோணிசா(23) ஆகியோர் நேற்று நள்ளிரவில் குற்றாலத்தில் உள்ள அருவிகளில் குளித்துவிட்டு ஒரே காரில் சென்னை நோக்கி திரும்பிக் கொண்டிருந்தனர்.

கடையநல்லூரை அடுத்த புன்னையாபுரத்தில் சென்று கொண்டிருந்தபோது எதிரே தவிடு ஏற்றி வந்த லாரி கார் மீது மோதியது. இதில் காரில் இருந்த அனைவரும் படுகாயம் அடைந்தனர். இது குறித்து தகவல் அறிந்த சொக்கம்பட்டி போலீசார் விரைந்து சென்று படுகாயம் அடைந்த அனைவரையும் மீட்டு சிகிச்சைக்காக தென்காசி மருத்துவமனைக்கு அனுப்பி வைத்தனர். அங்கு சிகிச்சை பலனின்றி ஹேமலதா உயிரிழந்தார். இது குறித்து சொக்கம்பட்டி போலீசார் வழக்கு பதிவு செய்து லாரியை ஓட்டி வந்த விளாத்திகுளத்தை சேர்ந்த குருசாமி என்பவரை கைது செய்து விசாரணை நடத்தி வருகின்றனர்.