கார் மோதி பெண் பரிதாபமாக பலி !

தென்காசி மாவட்டம் ஆலங்குளம் கிராமத்தைச் சேர்ந்தவர் முத்தையா மனைவி வெள்ளையம்மாள் (60). இவர் கயத்தாறு அருகே சவலாப்பேரியில் கட்டிட வேலை செய்து வந்தார். நேற்று சாலையை கடக்க முயன்றபோது அவ்வழியே வந்த கார் அவர் மீது மோதியது. இதில் பலத்த காயம் அடைந்த வெள்ளையம்மாள் சம்பவ இடத்திலேயே இறந்தார். இதுகுறித்து கயத்தாறு காவல் நிலைய இன்ஸ்பெக்டர் திருமுருகன் வழக்குப் பதிந்து காரை ஓட்டிவந்த ஈரோடு சென்னிமலையைச் சேர்ந்த ஜீவானந்தம் மகன் மோகன் ராஜ் (34) என்பவரை கைது செய்து விசாரணை நடத்தி வருகிறார்.