மாடிப்படியில் இருந்து தவறி விழுந்த தொழிலாளி உயிரிழப்பு.

திருவட்டார் அருகே உள்ள மேக்கா மண்டபம், புக்கோடு பகுதியை சேர்ந்தவர் கிஷோர்.பெயிண்டிங் தொழிலாளி. இவருக்கு கவிதா என்ற மனைவியும் 2 பிள்ளைகளும் உள்ளனர். இவர் வீட்டில் மேல் மாடியில் குடும்பத்துடன் வசிக்கிறார். கீழ் பகுதியில் இவரின் பெற்றோர் வசிக்கின்றனர். நேற்று இரவு 8.30 மணியளவில் மேல் மாடியிலிருந்து தனது பெற்றோரை பார்ப்பதற்கு படி வழியாக இறங்கும் போது தவறி விழுந்துள்ளார்.

இதில் தலையில் காயம் ஏற்பட்டு மயங்கிய நிலையில் கிடந்த வரை தக்கலை அரசு மருத்துவமனைக்கு சிகிட்சைக்கு அனுமதித்தனர். அங்கிருந்து மேல் சிகிச்சைக்கு ஆசாரிபள்ளம் மருத்துவமனையில் அனுமதிக்கப்பட்டவர் சிகிச்சை பலனின்றி இறந்தார். இது குறித்து திருவட்டார் போலீசார் வழக்கு பதிவு செய்து விசாரணை நடத்தி வருகின்றனர்.