முன்விரோதத்தில் இளைஞருக்கு கத்திக்குத்து

திருச்சி மாவட்டம், லால்குடி அருகே பூவாளூர் பெரியார் தெருவைச் சேர்ந்தவர் 21 வயதான வெங்கடேஷ். அதேபோல் பூவாளூர் சவேரியார் கோவில் தெருவைச் சேர்ந்தவர் 20 வயதான முகேஷ் மற்றும் 21 வயதான தமிழ்மாறன்,லால்குடி அருகே பச்சாம்பேட்டை தெற்கு தெருவைச் சேர்ந்தவர் 20 வயதான மனோஜ்.இவர்கள் அனைவரும் மீன்பிடி தொழில் செய்து வருகின்றனர்.வெங்கடேஷ் மற்றும் குற்றவாளிகளான முகேஷ், தமிழ்மாறன், மனோஜ் ஆகியோருக்கும் இடையே மீன்பிடிப்பதில் தகராறு ஏற்பட்டு முன்விரோதம் இருந்துள்ளது.

இந்நிலையில் நேற்று பூவாளூர் அரசு பள்ளி பின்புறம் முன்விரோதம் காரணமாக வெங்கடேஷ் மீது முகேஷ், தமிழ்மாறன், மனோஜ் ஆகியோர் சேர்ந்து கத்தியால் குத்தியதாக கூறப்படுகிறது. இதில் படுகாயம் அடைந்த வெங்கடேசை மீட்டு சிகிச்சைக்காக திருச்சி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார் . இச்சம்பவம் குறித்து லால்குடி போலீசார் வழக்கு பதிவு செய்து முகேஷ், தமிழ்மாறன், மனோஜ் ஆகிய 3 இளைஞர்களை கைது செய்தனர்.