ஆத்தூர்: விவசாய கிணற்றில் கட்டுவிரியன் பாம்பு உயிருடன் மீட்பு

சேலம் மாவட்டம்,ஆத்தூர் அருகே உள்ள நரசிங்கபுரத்தில் கோபிநாத் என்பவருக்கு சொந்தமான விவசாய நிலத்தில் கிணறு உள்ளது. கோபிநாத் விவசாய பணியில் ஈடுபட்டிருந்தபோது கிணற்றில் 6 அடி நீளம் கொண்ட கட்டுவிரியன் பாம்பு இருப்பதைக் கண்டு ஆத்தூர் தீயணைப்பு நிலையத்திற்கு தகவல் தெரிவித்தார். அதன் அடிப்படையில் தீயணைப்பு நிலைய வீரர்கள் கயிற்றின் உதவியுடன் கிணற்றில் இறங்கி 6 அடி நீளம் கொண்ட கட்டுவிரியன் பாம்பை உயிருடன் பிடித்து வனத்துறை இடம் ஒப்படைத்தனர்.