விபத்தில்லா தீபாவளி: தீயணைப்புதுறை சார்பில் விழிப்புணர்வு

நாமக்கல் மாவட்டம் குமாரபாளையம் சின்னப்ப நாயக்கன்பாளையம் உயர்நிலைப் பள்ளியில் தமிழ்நாடு தீயணைப்பு மற்றும் மீட்பு பணிகள் துறை சார்பில் விபத்தில்லா தீபாவளி விழிப்புணர்வு நிகழ்ச்சி விடியல் ஆரம்பம் பவுண்டேஷன் சார்பில் விடியல் பிரகாஷ் தலைமையில் நடைபெற்றது.

நிகழ்வில் பள்ளி தலைமையாசிரியர் சுப்பிரமணி அனைவரையும் வரவேற்றார். விபத்தில்லா தீபாவளி கொண்டாடுவது குறித்து தீயணைப்பு மீட்பு பணி நிலைய அலுவலர் மற்றும் தீயணைப்பு படையினர் மாணவ மாணவிகளுக்கு விரிவாக எடுத்துரைத்தார். மேலும் அவர்களுக்கு பட்டாசு வெடிப்பது குறித்து விழிப்புணர்வு ஓவியப்போட்டி போட்டிகள் வைத்து வெற்றி பெற்றவர்களுக்கு நகர மன்ற உறுப்பினர் ராஜூ மற்றும் மோகன் பரிசு புத்தகங்கள் வழங்கினார்கள் மேலும் மாணவ மாணவிகளுக்கு துண்டு பிரசுரங்கள் வழங்கப்பட்டது. விழாவில் வெண்ணிலா, கௌதமி, மதன்குமார், ஆசிரியர்கள்,மற்றும் தீனா ஆகியோர் கலந்து கொண்டனர்.