வேட்டவலத்தில் விபத்தில்லா தீபாவளி விழிப்புணர்வு

திருவண்ணாமலை அடுத்த அண்டம்பள்ளம் அரசு பள்ளியில் விபத்தில்லா தீபாவளி விழிப்புணர்வு நிகழ்ச்சி நடந்தது. வேட்டவலம் அடுத்த அண்டம்பள்ளம் அரசு மேல்நிலைப் பள்ளியில் விபத் தில்லா தீபாவளி விழிப்புணர்வு நிகழ்ச்சி நேற்று நடந்தது. தலைமை ஆசிரியர் பிரச ன்னா தலைமை தாங்கினார்.

உதவி தலைமை ஆசிரியர் பார்த்தசாரதி முன்னி லை வகித்தார். உதவி தலைமை ஆசிரியை பத்மா வரவேற்றார்.சிறப்பு விருந்தினராக வேட்டவலம் தீயணைப்பு மற்றும் மீட்பு பணி நிலைய அலுவலர் ரகுபதி தலைமையில் தீயணைப்பு வீரர்கள் கலந்துகொண்டு விபத்து இல்லாத தீபாவளியை கொண்டாடுவது எப்படி, ஒலிமாசற்ற தீபாவளி எப்படி கொண்டாடுவது,

கேஸ் சிலிண்டர் கசிவினால் ஏற்படக்கூடிய தீ விபத்துக்கள் தடுப்பது உள்ளிட்ட பல்வேறு தீத்தடுப்பு செயல்முறை விளக்கங்களையும், பாதுகாப்பான முறையில் பட்டாசு வெடிப்பது எப்படி என்பன உள்ளிட்ட விளக்கங்களை மாணவர்களுக்கு அளித்து விழிப்புணர்வு துண்டு பிரசுரங்களை வழங்கினர். இதில் பள்ளி ஆசிரியர்கள், மாணவ,மாணவிகள் உட்பட பலர் கலந்து கொண்டனர். முடிவில் ஆசிரியர் பார்த்திபன் நன்றி கூறினார்.