விக்கிரவாண்டி சுங்கச்சாவடி அருகே அடுத்தடுத்து 3 கார்கள் மோதி விபத்து

சென்னையில் இருந்து திருச்சி நோக்கி இன்று அதிகாலை கார் ஒன்று புறப்பட்டது. காரை தஞ்சாவூர் மாவட்டம் கும்ப கோணத்தை சேர்ந்த விமல்குமார் என்பவர் ஓட்டினார். இந்த கார் விழுப்புரம் மாவட்டம் விக்கிரவாண்டி சுங்கச்சாவடி அருகே இன்று காலை 8 மணி அளவில் சென்று கொண்டிருந்தபோது, தீடிரென விமல்குமார் பிரேக் போட்டு காரை நிறுத்தியதாக தெரிகிறது. இதனால் பின்னால் வந்த 2 கார்கள் அடுத்தடுத்து ஒன்றன் பின் ஒன்றாக மோதிக்கொண்டன. இந்த விபத்தில் விழுப்புரத்தை சேர்ந்த பிரபு, கன்னியாகுமரியை சேர்ந்த செந்தில்குமார், சென்னை முகப்பேரை சேர்ந்த கார்த்திக் (16), லீலாவதி(30) விமல்குமார் ஆகியோருக்கு காயம் ஏற்பட்டது. இதுபற்றி அறிந்ததும் சம்பவ இடத்திற்கு விரைந்து வந்த விக் கிரவாண்டி போலீசார் விபத்துக்குள்ளான கார்களை அப்பு றப்படுத்தி போக்குவரத்தை சீர்செய்தனர். இதனால் திருச்சி- சென்னை தேசிய நெடுஞ்சாலையில் சுமார் ½ மணி நேரம் போக்குவரத்து பாதிப்பு ஏற்பட்டது. இந்த விபத்து குறித்து விக்கிரவாண்டி போலீசார் விசாரணை நடத்தி வருகின்றனர்.