மூன்று பஸ்கள் அடுத்தடுத்து மோதி விபத்து!

விராலிமலை நாகர்கோவிலில் இருந்து சென்னைக்கு நேற்று அதிகாலை அரசு விரைவு பஸ் வந்துக்கொண்டிருந்தது. கன்னியாகுமரியை சேர்ந்த டிரைவர் ஜார்ஜ் ஒட்டி வந்தார். விராலிமலை மாதிரிப்பட்டி பிரிவு சாலை அருகே திருச்சி-மதுரை தேசிய நெடுஞ்சாலையில் வந்தபோது, திடீரென கட்டுப்பாட்டை இழந்து தடுப்பு கட்டை மீது ஏறி சாலையின் மறுபுறத் துக்கு சென்றது. அதேநேரத்தில் திருச்சியில் இருந்து மதுரை நோக்கி வந்த அரசு பஸ் டிரைவர் காமு இதை பார்த்து உடனடியாக பிரேக் பிடித்தார். இதனால் எதிரில் வந்த பஸ்சுடன் உரசி நின்றது.அப்போது பின்னால் வந்த மற்றொரு அரசு விரைவு பஸ் பிரேக் அடித்து நின்ற பஸ் மீது மோதியது. அடுத்தடுத்து 3 பஸ்கள் மோதியதால் பஸ்சில் இருந்த பயணிகள் அலறினர். இந்த விபத்தில் திருவண்ணாமலை மாவட்டத்தை சேர்ந்த பழனி மகன் பிரபாகரன்(28), கேரள மாநிலம் குன்னலுாரை சேர்ந்த ராதாகி ருஷ்ணன் (55), அவரது மகன் சூரஜ்(18), ஜிச்சு (48) ஆகிய 4 பேருக்கு லேசான காயம் ஏற்பட்டது. அவர்கள் விராலிமலை அரசு மருத்துவமனையில் சிகிச்சை பெற்றனர். விபத்து குறித்து விராலிமலை போலீசார் வழக்குப்பதிந்து விசாரணை நடத்தி வருகின்றனர்.