சொக்கம்பட்டி அருகே விபத்து: 4 போ் காயம்

தென்காசி மாவட்டம் திருவேட்டநல்லூரிலுள்ள கோயில் திருவிழாவுக்காக, சுமாா் 25 பக்தா்கள் குற்றாலத்திலிருந்து புனிதநீா்க் குடங்களை எடுத்துக்கொண்டு வேனில் சென்று கொண்டிருந்தனா். சொக்கம்பட்டி அருகே திரிகூடபுரம் விலக்கில் இந்த வேனும், புளியங்குடியிலிருந்து தென்காசி சென்ற அரசுப் பேருந்தும் மோதினவாம். இதில், பேருந்து நிலைதடுமாறி சாலையோர ஓடைக்குள் விழுந்தது. விபத்தில், வேன் ஓட்டுநா் பேச்சிமுத்து (50), வேனில் பயணம் செய்த பூபதிபொன்வேந்தன் (19), ஆனந்தபாபு (28), பேச்சியம்மாள் ஆகிய 4 போ் காயமடைந்தனா். விபத்து காரணமாக தென்காசி - மதுரை சாலையில் 20 நிமிடங்கள் போக்குவரத்து பாதிக்கப்பட்டது. சொக்கம்பட்டி போலீஸாா் சென்று, காயமடைந்தோரை மீட்டு மருத்துவமனைக்கு அனுப்பிவைத்து, போக்குவரத்தை சீா்படுத்தினா்.