அரசு பேருந்து மீது தனியார் பேருந்து மோதி விபத்து

திண்டுக்கல் மாவட்டத்திலிருந்து திருப்பூர் நோக்கி வந்த அரசு பேருந்து நேற்று திருப்பூர் கோவில் வழி பேருந்து நிலையத்திற்குள் சென்றது. அப்போது பொங்கலூரில் இருந்து திருப்பூர் நோக்கி வந்த தனியார் டிராவல்ஸ் வாகனம் எதிர்பாராதவிதமாக பேருந்தின் மீது மோதி விபத்துக்குள்ளானது.

2 வாகனத்திலும் 40-க்கும் மேற்பட்டோர் பயணம் செய்திருந்த நிலையில் 6 பேருக்கு கை மற்றும் கால்களில் காயம் ஏற்பட்டது. உடனடியாக ஆம்புலன்ஸ் மூலம் திருப்பூர் அரசு மருத்துவக் கல்லூரி மருத்துவமனைக்கு சிகிச்சைக்காக அனுப்பி வைக்கப்பட்டனர். இந்த விபத்து குறித்து நல்லூர் போலீசார் விசாரணை மேற்கொண்டு வருகின்றனர்.