குமுளி மலைப்பாதை வளைவில் கார் - டூ வீலர் மோதி விபத்து

கேரளா மாநிலம் ஏலப்பாறையில் கிளினிக் வைத்து நடத்தி வருபவர் டாக்டர் முருகேசன். இவர் நேற்று தனது காரில் தேனி மாவட்டம் வந்துவிட்டு திரும்பிக் கொண்டிருந்தார். இரைச்சல் பாலம் அருகே மலைப்பாதை வளைவில் சென்ற போது எதிரே வந்த டூவீலர் கார் மீது மோதி டூவீலரில் வந்தவர் கீழே விழுந்து காயம் அடைந்தார்.

அருகில் இருந்தவர்கள் அவரை ஆம்புலன்ஸில் ஏற்றி கம்பம் அரசு மருத்துவமனைக்கு அனுப்பி வைத்தனர். மேல் சிகிச்சைக்காக அவர் க.விலக்கு அரசு மருத்துவமனையில் சேர்க்கப்பட்டார். குமுளி போலீசார் விசாரிக்கின்றனர்.